Geýdar Aliýew gaznasynyň wise-prezidenti Leýla Aliýewa Arkadag şäherindäki Gurbanguly Berdimuhamedow adyndaky Çagalar sagaldyş-dikeldiş merkeziniň işi bilen tanyşdy.
“Report”yň habar bermegine görä, saparyň dowamynda Leýla Aliýewa merkeziň çagalaryň saglygyny goramaga, olaryň beden taýdan ösüşini goldamaga we dikeldişine gönükdirilen taslamalary we hyzmatlary barada giňişleýin maglumat berildi.
Massaž we oýun otaglary, şeýle hem döwrebap dikeldiş bölümleri bilen tanyşlygyň dowamynda merkeziň işiniň halkara ülňülerine, lukmançylyk ylmynyň iň täze gazananlaryna we häzirki zaman dikeldiş enjamlarynyň ulanylmagyna esaslanýandygy bellenildi.
Merkezde fiziki mümkinçilikleri çäkli bolan çagalaryň doly derejede dikeldilmegi we olaryň jemgyýete üstünlikli goşulyşmagy üçin ähli zerur şertler döredildi.
Ýörite enjamlaşdyrylan oýun otaglary çagalaryň boş wagtlaryny netijeli geçirmek, olaryň aragatnaşyk endiklerini ösdürmek we psihologik dartgynlygy azaltmak üçin niýetlenendir.
Döredilen şertler çagalara özlerini rahat we howpsuz duýmaga, şeýle hem içki mümkinçiliklerini açyp görkezmäge ýardam berýär.