Aziýanyň Futbol konfederasiýasy tarapyndan 18-nji gezek geçirilýän Aziýanyň Kubogy ýaryşynyň finalynda çykyş etjek ýygyndylar belli boldy.
Düýn geçirilen ýarym final duşuşygynda ýer eýeleri Katar Eýranyň ýygyndysyny 3:2 hasabynda ýeňdi. Eýranyň ýygyndysy 3-nji minutda Serdar Azmunyň owadan goly bilen 1:0 hasabynda öňe çykan hem bolsa, Kataryň ýygyndysy 17-nji minutda Jassem Gaber we 43-nji minutda Akram Afif bilen öňe saýlandy.
Duşuşygyň ikinji ýarymynda 51-nji minutda Alireza Jahanbaş 11 metrlik jerime urgusy bilen hasaby deňledi. 82-nji minutda Almouz Ali ýygyndysynyň 3-nji goluny geçirip, Katary finala çykardy.
Katar bilen Iordaniýanyň arasyndaky final duşuşygy 10-njy fewralda “Lusail” stadionynda geçiriler.