Türkmenistanyň Gazagystan Respublikasyndaky Adatdan daşary we Doly ygtyýarly ilçisi Batyr Rejepow Yragyň Gazagystan Respublikasyndaky wagtlaýyn ynanylan wekili Jaber Najma Adbullah Al-Temimi bilen duşuşdy. Bu barada Türkmenistanyň Gazagystan Respublikasyndaky ilçihanasynyň resmi saýtynda bellenilip geçilýär.
Duşuşygyň barşynda taraplar iki ýurduň arasynda ykdyasy we medeni-ynsanperwer ugurlarda hyzmatdaşlygyň giňeltmegiň zerurdygyny bellediler, şeýle hem ykdysadyýetiň dürli pudaklarynda şol san-da ýangyç-energetika toplumynda hyzmatdaşlyk etmegiň mümkinçiliklerine baha berdiler.
Mundan başga-da, taraplar Yragyň wekiliýetiniň Türkmenistana sapary bilen baglanyşykly guramaçylyk meseleleri boýunça pikir alyşdylar.