«2019-njy ýylyň iň meşhur kinoaktrisasy» diýlip, Golliwudyň ýyldyzy Bri Larson yglan edildi. Bu barada IMDb-niň bilermenleri Internetde kinoýyldyzy yzarlaýjylaryň sanynyň beýleki bäsdeşlerinden has artmagyna esaslanyp habar berýärler.
Bri Larsonyň 2019-njy ýylda ekranlara çykan «Kasasgärler: Ar alyş» we «Kapitan Marwel» filmleri kino sungatynyň muşdaklarynyň arasynda uly meşhurlyk we söýgi gazandy.
Sanawyň ikinji basgançagyny «Ýigitler» atly köp bölümli filmiň aktrisasy Erin Moriarti eýeleýär. «Tagt oýunlary» atly meşhur köp bölümli filmiň superýyldyzy Emiliýa Klarkyň bolsa bu sanawda üçünji orny eýelemegi, aslynda, täsinlikdir.
Şeýle hem sanawyň ilkinji on basgançagynda «Alladin» filminden Naomi Skottyň, «Harly Kwin» filminden Margo Robbiniň we beýlekileriň atlary bar.