Russiýanyň SSKA toparynyň derwezebany Igor Akinfeýew Ýewropanyň öňdebaryjy we iň gowy 10 ligasynyň arasynda öz toparyna iň wepaly futbolçylaryň sanawynda birinji orny eýeledi.
Bu derwezeban 18 ýyl, 7 aý we 10 günden bäri bu toparyň derwezesini gorap gelýär. Umuman alanyňda, SSKA toparynyň düzüminde 677 duşuşykda çykyş etdi. Şol duşuşyklaryň 208-sinde derwezesinden pökgi geçirtmedi. Oýunçynyň topar bilen şertnamasy geljek ýylyň iýun aýynyň ahyryna çenli dowam edýär.
Bu sanawda ikinji orny Londonyň “West Hem” toparynyň ýarymgoragçysy Mark Nobl eýeledi. Ol 17 ýyl, 7 aý 20 günden bäri bu toparda çykyş edýär. Üçünji orny birnade 3 futbolçy eýeledi. Olar öz toparlarynda 11 ýyl 16 aý 11 günden bäri oýnap gelýär. Bu futbolçylar degişlilikde Italiýanyň “Sassuolo” toparyndan Françesko Manýanelli, Ispaniýanyň “Osasuna” toparyndan Oýer we Italiýanyň “Ýuwentus” toparyndan Jorjo Kýellini.
Bu baradaky maglumatlary “Sport Bible” neşiri taýýarlady.