UEFA-nyň Superkubogy ugrundaky duşuşyk ilkinji gezek Russiýa Federasiýasynda geçiriler. Ýewropanyň Futbol Bileleşikleriniň Assosiasiýasynyň (UEFA) metbugat gullugyndan habar bermegine görä, bu duşuşyk 2023-nji ýylda geçiriler. Çempionlar ligasynyň we Ýewropa ligasynyň ýeňijileriniň arasyndaky duşuşyk Russiýa Federasiýasyna degişli bolan Tatarystan Respublikasynyň paýtagty Kazan şäherinde oýnalar.
Duşuşyk «Kazan-Arena» stadionynda oýnalar. Häzirki wagta bu meýdançany “Rubin” topary ulanýar.
Şeýle hem UEFA-nyň Superkubogynyň 2022-nji ýyldaky duşuşygy Finlýandiýanyň Helsinki şäherinde geçiriler.
Mälim bolşy ýaly, häzirki wagtda UEFA-nyň Superkubogyny iň soňky gezek gazanan Angliýanyň “Liwerpul” toparydyr.