Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň ýolbaşçylygyndaky wekiliýet BMG-niň Baş Assambleýasynyň 79-njy mejlisine gatnaşmak üçin Nýu-Ýork şäherine bardy.
Türkmen wekiliýetiniň sapary BMG-niň Baş sekretarynyň orunbasary, BMG-niň terrorçylyga garşy göreş müdirliginiň başlygy Wladimir Woronkow bilen duşuşykdan başlandy. Duşuşykda şu ýylyň oktýabrynda we noýabrynda Aşgabatda geçiriljek sebit duşuşyklary barada pikir alşyldy.
Şeýle hem türkmen wekiliýeti Malta Respublikasynyň Premýer-ministriniň orunbasary, daşary işler ministri we Ýewropa Howpsuzlyk we Hyzmatdaşlyk Guramasynyň başlygy Ýan Borg bilen duşuşygy boldy.
Duşuşykda taraplar ÝHHG-niň işi bilen baglanyşykly meseleleri ara alyp maslahatlaşdylar. Bu nukdaýnazardan, Türkmenistanyň maksatlara ýetmekde we guramanyň maksatlaryny çözmekde goşandy bellendi.
Şeýle hem Raşid Meredow bu guramanyň ozalky baş sekretary, ilçi Helga Şmid bilen duşuşdy.