Emeli aň ugry boýunça «AI Product Hackathon» atly hakaton bäsleşigi geçirilýär. Ony geçirmegiň esasy maksady ýurdumyzyň ýokary okuw mekdepleriniň talyplarynyň arasyndan emeli aň ugry boýunça döreýän meseleleri ýüze çykarmaga, bu meseleler üçin döwrebap çözgütleri işläp taýýarlamaga ukyply ýaş zehinleri ýüze çykarmakdan ybaratdyr.
Hakaton bäsleşiginiň guramaçysy hökmünde Türkmenistanyň Telekommunikasiýalar we informatika instituty çykyş edýär.
Hakatonyň resmi saýty – bäsleşige gatnaşmak üçin ýüz tutmak we ýazylmak üçin zerur bolan maglumat çeşmeleri institutyň Internet ulgamyndaky resmi http://itit.edu.tm Web saýtynda ýerleşdirilýär.
Hakaton 2025-nji ýylyň fewral aýynyň 27-sinede geçirilýär.
Gatnaşmak üçin isleg bildirýänleriň sanawyny basleshikttweii@gmail.com elektron poçtasyna ugratmalydyrlar. Bäsleşige gatnaşmak üçin Hasaba almak 2025-nji ýylyň fewral aýynyň 10-nda başlanyp, fewral aýynyň 25-ne tamamlanýar.
Bu barada Türkmenistanyň Bilim ministrliginiň resmi saýtynda habar berilýär.