SYÝAHATÇYLYK WE SAGLYK

Türkmenistan “Qatar Airways” bilen hyzmatdaşlyk mümkinçiliklerini öwrenýär

Türkmenistanyň Katar Döwletindäki ilçisi Myratgeldi Saýitmämmedow Katar Döwletiniň Raýat awiasiýasy baş müdirliginiň ýolbaşçysy Muhammad Falih Al-Hajiri bilen duşuşdy.

Duşuşykda “Türkmenhowaýollary” agentiligi bilen Katar Döwletiniň Raýat awiasiýasy baş müdirliginiň arasynda gol çekilen özara düşünişmek hakyndaky ähtnamanyň durmuşa geçirilmeginiň meseleleri boýunça pikir alyşdylar.

Diplomat Türkmenistanyň garaşsyzlyk döwründe gazanan üstünlikleri, hususan-da ulag-aragatnaşyk toplumunyň işini kämilleşdirmek babatdaky möhüm wezipeler barada maglumat berdi.

Şunuň bilen baglylykda, dünýäniň dürli künjegine uçar gatnawlaryny amala aşyrýan “Qatar Airways” milli awiakompaniýa bilen hyzmatdaşlyk etmegiň mümkinçiliklerine garaldy. Katar Döwletiniň geografiki ýerleşişi üstaşyr gatnawlar üçin amatlydygy bellenildi.

Related posts

Daşoguzda täze saglyk öýi açyldy

Saud Arabystany haj zyýaraty üçin çäklendirmeleri ýatyrdy

Syýahatçylar çäklendirmelerden azat