Türkmenistan özüniň diplomatik gatnaşyklarynyň gerimi barha giňeldýär, şunuň bilen baglylykda, Maldiwler Respublikasyna ilçi bellendi. Bu barada Türkmenistanyň Prezidenti degişli resminama gol çekdi.
“Watan” habarlar gepleşiginde bellenilip geçilişi ýaly, Türkmenistanyň Hindistan Respublikasyndaky Adatdan daşary we Doly ygtyýarly Ilçisi Şalar Geldynazarow şol bir wagtda Türkmenistanyň Maldiwler Respublikasyndaky ilçisi wezipesine bellendi.
Maldiwler Hindi ummanynda Hindistanyň we Şri-Lankanyň günorta-günbatarynda ýerleşýän arhipelagiki döwletdir.
Türkmenistan bilen dünýä döwletleriniň arasyndaky diplomatik gatnaşyklar işjeňleşdirilýär. 2026-njy ýylyň ýanwar — maý aýlarynda Çad Respublikasynyň, Indoneziýa Respublikasynyň, Italiýa Respublikasynyň, Koreýa Respublikasynyň, Argentina Respublikasynyň, Müsür Arap Respublikasynyň Türkmenistanda täze bellenilen Adatdan daşary we Doly ygtyýarly ilçileri ynanç hatlaryny gowşurdylar.
Türkmenistanyň Tailand Patyşalygyndaky, Amerikanyň Birleşen Ştatlaryndaky ilçileri, BMG-niň, Yslam Hyzmatdaşlyk Guramasynyň ýanyndaky hemişelik wekilleri ynanç hatlaryny gowşuryp, resmi taýdan işe başladylar.