SPORT

Türkmenistan Hytaýyň Taýbeýini 2:1 hasabynda ýeňdi

Türkmenistanyň milli futbol ýygyndysy Aziýa-2027 Kubogynyň saýlama ýaryşyny Hytaýyň Taýbeý ýygyndysy bilen başlady. Duşuşyk Gaosýunda geçirilip, Aşgabat wagty bilen 15:30 başlandy.

Duşuşykda Türkmenistanyň ýygyndysy 2:1 hasabynda üstün çykdy. Türkmenistanyň ýygyndysynyň düzüminde 48-nji minutda Elman Tagaýew we 83-nji minutda Ýazgylç Gurbanow tapawutlandy.

Bije çekişligiň netijeleri boýunça Türkmenistanyň milli ýygyndysy “D” toparçada çykyş edýär we bu toparçada Taýland we Şri-Lankanyň ýygyndylary hem bolar.

Saýlama oýunlaryň çäklerinde Mergen Orazowyň topary alty oýny geçirer: 2025-nji ýylda bäş we 2026-njy ýylyň martynda bir oýun. Alty saýlama toparçanyň ýeňijileri Saud Arabystanynda geçiriljek Aziýa-2027 Kubogynyň jemleýji tapgyryna gatnaşmak üçin ýollanma alarlar.

Related posts

Dünýä çempionatynyň ilkinji finalçysy belli bolar

“Taňrynyň eli” bilen adygan pökgi Uembli stadionynda görkezilýär

Germaniýada tomaşaçylar stadiona dolanýar

Ata Watan Eserleri