DÜNÝÄ

Türkmenistan-Hindistan: energetika pudagynda netijeli hyzmatdaşlyk

«Hindistan – Merkezi Aziýa» dialogynyň daşary işler ministrleriniň 3-nji duşuşygynyň çäklerinde Türkmenistanyň we Hindistanyň daşary işler ministrleriniň duşuşygy geçirildi.

Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Hindistan Respublikasynyň daşary işler ministri Subramanyam Jaýşankar bilen duşuşdy. Iki ýurduň daşary syýasat edaralarynyň ýolbaşçylary döwletara gatnaşyklary bilen sebit hyzmatdaşlygyna degişli meseleleri ara alyp maslahatlaşdylar.

Taraplar syýasy-diplomatik, söwda-ykdysady we medeni-ynsanperwer ugurlardaky gatnaşyklaryň okgunly ösüşine kanagatlanma bildirdiler.

Energetika pudagy iki ýurduň arasyndaky hyzmatdaşlygyň möhüm ugry hökmünde kesgitlendi. Bu babatda taraplar Türkmenistan-Owganystan-Pakistan-Hindistan transmilli gaz geçirijisi taslamasynyň durmuşa geçirilmegi barada bilelikdäki işleriň durmuşa ornaşdyrylmagy babatda pikir alyşdylar.

Türkmenistanyň daşary işler ministri bilim we ylym, lukmançylyk we saglygy goraýyş ulgamynda hyzmatdaşlygyň yzygiderli ösdürilmegine, şeýle hem medeni we ynsanperwer ugurlarda bilelikdäki taslamalaryň durmuşa geçirilmegine ünsi çekdi.

 

Türkmenistan «Hindistan – Merkezi Aziýa» dialogyna gatnaşdy

Related posts

Türkmenistanyň wekiliýetiniň Özbegistana sapary

Ata Watan Eserleri

Türkmenistanyň daşary işler ministry ÝHHG-niň Baş sekretary bilen duşuşdy

Gazagystan Türkmenistana täze ilçi belledi

Ata Watan Eserleri