Türkmenistanly zehinli ýaşlaryň bir topary şu günler Russiýa Federasiýasynyň Astrahan oblastynda geçirilýän «SELIAS — 2020» maslahatyna gatnaşýar. Oňa biziň ildeşlerimizden başga-da, Gazagystandan we Russiýa Federasiýasynyň 50 oblastyndan gelen ýaşlar wekilçilik edýärler.
Umuman, 1-nji oktýabra çenli dowam etjek halkara maslahata ýaşlaryň 400-den gowragy gatnaşýar. Olar üçin bu ýerde okuw sapaklarynyň üçüsi hem-de döredijilik we taslama bäsleşigi guralýar.
Halkara ýaşlar maslahatynyň açylyş dabarasyna Astrahan oblastynyň gubernatory Igor Babuşkin hem gatnaşdy. Ol açylyş dabarasynda eden gutlag çykyşynda: «Bu maslahat her ýyl işjeň we zehinli ýaşlara öz pikir-garaýyşlaryny beýan etmek üçin örän oňat meýdança. Onuň çägindäki bäsleşikleriň ýeňijileri 1 million 500 müň rubl möçberindäki baýrak gaznasyndan paýyny alarlar» diýip, gatnaşyjylary höweslendirdi.
Ýaşlarymyzyň iň köp okaýan habarlarynyň arasyndan sport habarlary uly meşhurlyga eýedir. Ýaşlar bu sahypa Siziň üçin!
