ABŞ-nyň Prezidenti Donald Tramp Robert Prewony Rim Papasy hökmünde saýlanmagy mynasybetli gutlady. Ol bu barada özüniň “Truth Social” jemgyýetçilik torunda habar berdi.
– Robert Prewonyň ilkinji amerikaly Rim Papasy bolmagy diýseň buýsandyrýar. Biziň ýurdumyz üçin uly şatlyk hem-de beýik buýsançdyr. Men Rim Papasy Leo XIV bilen duşuşmagy sabyrsyzlyk bilen garaşýaryn – diýip, Tramp belledi.
Watikanda konklaw mejlisiniň netijesinde dünýäniň dürli künjeginden gelen 130-dan gowrak kardinallar täze Rim Papasyny saýlady.
Rim Papasy şol bir wagtda keramatly ybadathananyň ýolbaşçysy hem-de Watikan şäher döwletiniň baştutany bolup durýar.