Dünýä belli işewür hem-de “Meta” kompaniýasynyň esaslandyryjysy Mark Sukerberg sportuň jiu-jitsu görnüşi bilen meşgullanýar. Ol sportuň bu görnüşinde gök guşagyň eýesi boldy.
– Tälimçim Deýw Kamarilýony gara guşagyň 5-nji derejesini almagy bilen gutlaýaryn. Onuň bilen türgenleşip, sportuň bu görnüşi we durmuş barada köp zatlar öwrendim. Gök guşagyň eýesi bolmak meniň üçin uly hormatdyr – diýip, Mark Sukerberg jemgyýetçilik torunda mälim etdi.
Gök guşak jiu-jitsu sportunda ýokary galýan basgançaklarda ikinji derejedir. Iň ýokary basgançak gyzyl guşagyň 10-njy derejesidir.