Özbegistanyň Prezidentiniň metbugat sekretary Şerzod Asadov Samarkantda öz işine başlaýan ÝUNESKO-nyň Baş konferensiýasynyň 43-nji sessiýasynyň öňüsyrasynda metbugat wekilleri üçin brifing geçirdi.
Esasy maglumatlar:
* Bu taryhy waka soňky 40 ýylyň dowamynda ilkinji gezek ÝUNESKO-nyň Pariždäki merkezi edarasyndan daşary we ilkinji gezek Merkezi Aziýada geçirilýär. Sessia guramanyň döredilmeginiň 80 ýyllygyna gabat gelýär;
* 43-nji sessiýa sebitiň taryhynda iň iri halkara forumlaryň biri bolar. Oňa 190 agza döwletden we halkara guramalardan 2800-den gowrak wekili, şol sanda 70-e golaý ýokary derejeli wekiliýet gatnaşar;
* Açylyş dabarasyna myhman hökmünde Serbiýa Respublikasynyň Prezidenti Aleksandr Wuçiç we Slowakiýa Respublikasynyň Prezidenti Peter Pellegrini gatnaşarlar. Olar bu ýurda resmi sapar bilen gelipdirler;
* Samarkant sessiýasynyň çäklerinde 150-den gowrak dürli çäre, şol sanda Özbegistan tarapyndan başy çekilýän 20-den gowrak çäre geçiriler;
* Açylyş dabarasyna Özbegistan Respublikasynyň Prezidenti Şawkat Mirziýoýew hem gatnaşar we çykyş eder;
* ÝUNESKO-nyň Baş konferensiýasynyň 43-nji sessiýasynyň işine dünýäniň we milli metbugatynyň 500-den gowrak žurnalisti syn eder. Samarkantda olaryň netijeli işlemegi üçin ähli şertler döredildi.