Kristiano Ronaldo şu wagt çykyş edýän Saud Arabystanynyň “Al-Nasr” topary bilen täze şertnama baglaşmagy meýilleşdirýär. Ali Al-Harbi atly žurnalistiň habar bermegine görä, 38 ýaşyndaky hüjümçi Portugaliýanyň milli ýygyndysy bilen öňde boljak duşuşyklara gatnaşmaga gitmezden ozal, häzirki çykyş edýän toparynyň ýolbaşçy düzümine 2027-nji ýyla çenli toparda galmak isleýändigini beýan edipdir.
Ronaldo 2026-njy ýylda geçiriljek futbol boýunça dünýä çempionatynda hem çykyş etmegi meýilleşdirýär. Ol bu çmepionata “Al-Nasr” toparynyň futbolçy hökmünde gatnaşyp, soňra bolsa futbol karýerasyny tamamlamagy maksat edinýär.
Žurnalist Al-Harbiniň bu maglumatyny dünýäniň öňdebaryjy neşirleri “COPE”, “Daily Mail”, “Diario de Noticias”, “Nabd” we beýleki hem çap etdiler.
Ronaldo bu möwsümde oňat görkezijiler görkezýär. Ol toparynyň düzüminde Saud Arabystanynyň çempionatynda 8 duşuşykda 10 gol geçirdi.
Şeýle hem “Al-Nasr” topary AFK-nyň Çempionlar ligasynda hem ýeňişli menziller bilen öňe barýar.
Ronaldonyň “Al-Nasr” topary bilen şertnamasynyň möhleti 2025-nji ýylyň 30-njy iýunynda tamamlanýar. Ol bu saud toparynyň düzümine 2022-nji ýylyň dekabrynda goşulypdy. Ol şondan bäri bu toparyň düzüminde 31 gol geçirip, toparyň iň köp gol geçiren 6-njy futbolçysy boldy.