DÜNÝÄ

Pars şahyry Hafyz Şirazynyň döredijiligine bagyşlanan çäre geçirildi

Ýakynda Eýran Yslam Respublikasynyň Türkmenistandaky ilçihanasynyň Medeniýet merkeziniň başlangyjy bilen beýik pars şahyry Hafyz Şirazynyň döredijiligine bagyşlanan çäre geçirildi.

Çäräniň dowamynda EÝR-niň Aşgabaddaky ilçihanasynyň medeni meseleler boýunça geňeşçisi Abdolreza Abbasi, EÝR-niň Türkmenistandaky ilçisi Ali Mojtaba Ruzbehani hem-de beýleki gatnaşyjylar çykyş etdiler.

EÝR-niň Türkmenistandaky ilçisi Ali Mojtaba Ruzbehani çykyşynda şeýle diýdi: «Şeýle dabaraly çäreleriň geçirilmegi, iki ýurduň Prezidentleriniň medeni hem-de ynsanperwer hyzmatdaşlygyň ösdürilmegine berýän ünsleriniň netijesidir. Şu mynasybetli men iki ýurduň ýolbaşçylaryna öz hoşallygymy bildirýärin».

Mundan başga-da, çäräniň çäginde pars dilini öwrenýän okuwçylar Hafyzyň goşgularyny pars we türkmen dillerinde ýerine ýetirdiler. Okuwçylaryň arasynda gyzykly bäsleşikler geçirildi.

Çäräniň ahyrynda bäsleşikleriň netijeleri jemlenip, ýeňijilere sowgatlar gowşuryldy.

Related posts

Putinden we Trampdan gutlag haty: Türkmenistan bilen hyzmatdaşlyga uly ähmiýet berýäris

Ata Watan Eserleri

Beýik Britaniýanyň daşary işler ministri Merkezi Aziýada saparda bolar

Pakistanyň we Mongoliýanyň Prezidenti Türkmenistana geldi

Ata Watan Eserleri