Mis simleriň önümçiligi ýola goýular

«Türkmen ýyldyzy» hususy kärhanasy ýakyn geljekde elektrik gurluşlary üçin mis simleriň önümçiligini ýola goýmagy meýilleşdirýär — diýip, «Türkmenistan» gazeti habar berýär.

«Mis sim­le­riň gar­şy­ly­gy al­ýu­mi­niň­kä ga­ra­nyň­da az bol­ýar, ol örän in­çe bol­sa-da, ýo­ka­ry kuw­wat­lyk­ly to­gy ge­çir­mä­ge ukyp­ly­dyr. Mi­siň ýe­ne bir ar­tyk­maç ta­ra­py onuň açyk ho­wa­da uzak ýyl­la­ryň do­wa­myn­da sak­lan­sa-da, pos­la­ma­ýan­ly­gyn­da­dyr. Şun­dan ugur alyp, biz müş­de­ri­le­re hö­dür­le­ýän hyz­mat­la­ry­my­zyň has-da yg­ty­bar­ly bol­ma­gy ug­run­da ne­ti­je­li iş­le­ri alyp bar­ýa­rys. Amat­ly­lyk, yg­ty­bar­ly­lyk hem-de ýo­ka­ry hil, ine, bi­ziň hu­su­sy kär­ha­na­my­zyň işi­niň esa­sy ýö­rel­ge­le­ri» diýip, hususy kärhananyň direktorynyň orunbasary Arslan Agamämmedow neşire beren interwýusynda aýdýar.

2009-njy ýyl­da esas­lan­dy­ry­lan kär­ha­na­ il­ki­baş­da elekt­roe­ner­ge­ti­ka iş­le­ri­ni alyp bar­mak mak­sa­dy bi­len dö­re­di­len bol­sa-da, hä­zir­ki wagt­da hal­ky­my­za kö­pu­gur­ly hyz­mat­la­ry hö­dür­le­ýär. Elekt­roe­ner­ge­ti­ka bo­ýun­ça äh­li iş­le­riň tas­la­ma­sy­ny düz­mek we gur­mak, gur­na­mak hem-de saz­la­mak, sy­nag iş­le­ri­ni we goý­be­riş-saz­la­ýyş iş­le­ri­ne ýö­ri­te­leş­di­ri­len kär­ha­na­ ýe­ras­ty elekt­rik en­jam­la­ry gur­na­mak we aw­to­mat­laş­dyr­mak, şol san­da deň­ziň için­de ýer­leş­ýän ne­bit plat­for­ma­la­ryn­da elekt­ro­ni­ka we ener­ge­ti­ka iş­le­ri­ni hem alyp bar­ýar. Sim we ka­bel ön­dür­ýän se­h­de önüm­le­riň 32 gör­nü­şi ön­dü­ril­ýär. Hä­zir­ki wagt­da sim we ka­bel önüm­le­ri di­ňe al­ýu­min­den ön­dü­ril­ýär.

«Al­tyn ýyl­dyz» hu­su­sy kär­ha­na­syn­da zäh­met çek­ýän 200-den gow­rak iş­gä­riň ag­la­ba bö­le­gi ýo­ka­ry bi­lim­li in­že­ner­ler­den we teh­no­log­lar­dan yba­rat­dyr. Çünki elekt­roe­ner­ge­ti­ka ul­ga­myn­da, aý­ra­tyn-da, ýe­ras­ty şertlerde we ne­bit­li ýer­ler­de iş alyp bar­mak so­wat­ly­ly­gy hem-de örän uly jo­gap­kär­çi­li­gi ta­lap ed­ýär. 

Medeniýet Sahypamyz

Sungat we medeniýet ulgamyna degişli täzelikler medeniýet sahypamyza ýerleşdirilendir!