JEMGYÝET

«Merkezi Aziýa ― Russiýa» sammiti geçirilýär

Şu gün günüň ikinji ýarymynda Gazagystanyň paýtagty Astana şäheriniň Kongres merkezinde «Merkezi Aziýa ― Russiýa» sammiti öz işine başlady. Sebit ýurtlarynyň strategik hyzmatdaşy bolan Russiýanyň başlangyjy esasynda şeýle düzümde ilkinji gezek geçirilýän duşuşyga Russiýa Federasiýasynyň Prezidenti Wladimir Putin, Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Täjigistan Respublikasynyň Prezidenti Emomali Rahmon, Özbegistan Respublikasynyň Prezidenti Şawkat Mirziýoýew hem-de Türkmenistanyň Prezidenti Serdar Berdimuhamedow gatnaşýar.

Sammitiň dowamynda oňa gatnaşýan Liderler yzygiderlilikde çykyş edip, hyzmatdaşlygyň geljekki mümkinçiliklerini jikme-jik ara alyp maslahatlaşarlar. Özara gatnaşyklary çuňlaşdyrmak, häzirki geosyýasy şertlerde söwda-ykdysady we beýleki bähbitleri goramak duşuşygyň gün tertibiniň esasy meseleleri bolar. Şeýle-de taraplar Owganystandaky ýagdaýlary nazara almak bilen, sebit howpsuzlygyny üpjün etmegiň ugurlary barada pikir alşarlar. Hormatly Prezidentimiz Serdar Berdimuhamedow hem çykyşynda hut şu meseleler babatda ýurdumyzyň garaýyşlaryny beýan eder.

«Merkezi Aziýa ― Russiýa» görnüşdäki ýokary derejeli duşuşygyň jemleri boýunça Bilelikdäki Beýannamany kabul etmek göz öňünde tutulýar. Onda Ýewraziýa giňişliginde sebitleýin hyzmatdaşlygyň derwaýys meseleleri, şeýle-de syýasat, howpsuzlyk, söwda, ykdysadyýet, medeni-ynsanperwer ulgamlarda özara gatnaşyklaryň geljekki mümkinçilikleri öz beýanyny tapar.

Related posts

Katarda owganara gepleşiklerine gatnaşyjylar bilen duşuşyk

Türkmen bitaraplygyna bagyşlanan alymlaryň tegelek stol maslahaty

Ata Watan Eserleri

Awazada Merkezi Aziýa döwletleriniň ýolbaşçylarynyň duşuşygy geçirildi

Ata Watan Eserleri

Leave a Comment