Amerikaly Joeý Çestnat hot-dog iýmekden dünýä rekordyny goýdy. Ol 10 minutda 76 hot-dog iýip, uly üstünlik gazandy. Içi sosiskaly çöregi ýagny hot-dog iýmek bäsleşigi her ýyl ABŞ-nyň Garaşsyzlyk güni mynasybetli guralýar.
Bu gezek hem “ESPN” teleýaýlymy tarapyndan alnyp berlen bäsleşik Nýu-Ýork şäherinde geçirildi. Bu ýaryş ilkinji gezek 1916-njy ýylda geçirildi. Şonda irlandiýaly Jim Mallen 12 minutda 13 hot-dog iýipdi.
Diňe Beýik Watançylyk urşy ýyllarynda geçirilmedik bu ýaryşda soňky ýyllarda Joui Çestnat oňat netijeler görkezip, ýeňiji bolup gelýär. Ol 2020-nji ýylda 75 sany hot-dog iýen bolsa, üstümizdäki ýylda 76 sanysyny iýdi.
Bu bäsleşikde ikinji orny eýelän Jeffri Esper 51 sany, üçünji orny eýelän Nik Uiri 43 hot-dog iýdi.
2011-nji ýyldan bäri zenanlaryň arasynda hem bu bäsleşik geçirilýär. Bu gezek Mişel Lesko 10 minutda 30,5 hotd-go iýip ýeňiji boldy.
Bäsleşigiň ýeňijilerine 10 müň dollar pul baýragy hem-de kemer sowgat edilýär. Bäsleşikde ikinji orny eýelän 5 müň, üçünji orny eýelän 2,5 müň dollar pul baýragy gazanýar.