DÜNÝÄ

Hazarýaka döwletleriň daşary işler ministrleri Moskwada duşuşar

Şu ýylyň 5-nji dekabrynda Russiýa Federasiýasynyň daşary işler ministri Sergeý Lawrowyň başlyklyk etmeginde Hazarýaka döwletleriniň daşary syýasat edarasynyň ýolbaşçylarynyň duşuşygy geçiriler. Bu barada Russiýanyň Daşary işler ministrliginiň resmi wekili Mariýa Zaharowa metbugat brifinginde habar berdi.

Duşuşyga Azerbaýjanyň, Eýranyň, Gazagystanyň, Russiýanyň we Türkmenistanyň daşary işler ministrleriniň gatnaşmagyna garaşylýar.

Bu duşuşyk 2022-nji ýylyň iýunynda Aşgabatda geçirilen Hazarýaka döwletleriň Baştutanlarynyň 6-njy sammitinde gazanylanan ylalaşyga laýyklykda, täze yzygiderli ministrler dialogynyň mandaty işe girizilýär.

Duşuşygyň barşynda Hazarýaka döwletleriň arasyndaky hyzmatdaşlygy ösdürmek babatda özara gyzyklanma bildirilýän meseleleriň giň toplumy ara alnyp maslahatlaşylar.

Şeýle hem Russiýa Federasiýasynyň daşary işler ministri Sergeý Lawrowyň bu duşuşygyň çäklerinde özüniň kärdeşleri bilen ikiçäk duşuşyklary hem göz öňünde tutulýar.

Related posts

“Türki dünýäniň medeni paýtagty” diýlip yglan edilen şäherleriň häkimleriniň geçirilen duşuşygy

Türkmenistanda täze agentlik döredildi

Ata Watan Eserleri

Stambullylar üçin hoş habar: gije gämi gatnawlary başlaýar

Ata Watan Eserleri