Häzirki wagtda meşhur markalar diýenimizde ilkinjiler hatarynda göz öňümize gelýänleriň biri hem Guccidir. Şu ýerde bu marka hakynda täsirli maglumatlary belläp geçesimiz geldi.
Guccio Gucciniň adyny göterýän “Gucci” markasy 1921-nji ýylda döredilipdir. Guccio 40 ýaşynda bu markany döredip, logosy hem onuň özüne degişlidir. Ilkibadalar Gucci deriden ýantorbalar, gapjyklar döretdi we şolar esasynda meşhurlyga eýe boldy.
1953-nji ýyla çenli kompaniýany Guccionyň özi ýöretdi. Şol ýyl aradan çykanlygy sebäpli kompaniýany ogullaryna miras goýdy. Guccionyň ogullary öz öndürýän zatlaryny Golliwudyň meşhurlaryna tanatdy. Dünýä belli adamlaryň “Gucci” markaly egin-eşigi geýmegi bu kompaniýanyň adyny arşa galdyrdy.
Gucciniň soňky logosyny Guccionyň ogullary kakasynyň adyny ýöretmek hem-de kakasynyň hatyrasyny dikeltmek üçin 2sany “G” şekili ýerleşdirdi.
Marka 1980-nji ýyllarda çöküşlige sezewar boldy. Soňra olar meşhur owtomobil markalary bilen birigip, kompaniýany hasam ulaltmagy maksat edinýärdi. “Ford” ýaly owtomobil markalary bilen şertnama baglanyşdy.
1998-nji ýylda Gucciniň döreden Genius Jeans 3.134 dollara satyldy we Guinness rekortlar kitabyna girizildi.