2026-njy ýylyň 11-nji fewralynda Türkmenistanyň daşary işler ministriniň orunbasary Ahmet Gurbanow Germaniýa Federatiw Respublikasynyň Federal Prezidenti Frank-Walter Ştaýnmaýer bilen geçirilen bilelikdäki duşuşyga gatnaşdy.
Duşuşygyň dowamynda taraplar türkmen-nemes gatnaşyklarynyň yzygiderli ösýändigini tassykladylar we «Merkezi Aziýa – Germaniýa» formatynyň çäginde hyzmatdaşlygy, şeýle hem halkara meýdançalarda, ilkinji nobatda, Birleşen Milletler Guramasynyň we Ýewropada howpsuzlyk we hyzmatdaşlyk guramasynyň çäginde özara hereketleri mundan beýläk-de berkitmegiň ähmiýetini nygtadylar.
Ulag, energetika, «ýaşyl» transformasiýa, bilim we saglygy goraýyş ulgamlarynda hyzmatdaşlygy giňeltmäge gyzyklanma bellenildi. Duşuşygyň ahyrynda taraplaryň özara bähbitli hyzmatdaşlygy mundan beýläk-de giňeltmäge taýýardygy tassyklanyldy.