BIZNES

Germaniýa bilen Norwegiýa wodorod üçin turbageçiriji gurar

Germaniýanyň wise-kansleri Robert Habek we Norwegiýanyň Premýer-ministri Ýonas Gar Store iki ýurduň arasynda energiýa pudagynda strategiki hyzmatdaşlyk barada ylalaşdylar. 2030-njy ýyla çenli Germaniýany wodorod bilen üpjün etmek üçin turbageçiriji gurmak meýilleşdirilýär.

Germaniýa bilen Norwegiýa energiýa we howany üýtgemegine garşy göreşmek babatda uzak möhletleýin esasda hyzmatdaşlyk etmek boýunça ylalaşdylar.

Ilki bilen Norwegiýanyň “Equinor” kompaniýasy bu turbageçirijiniň üsti bilen Germaniýany tebigy gaz, soň bolsa Germaniýanyň RWE kompaniýasy tarapyndan satyn alynjak täzelenýän energiýa bilen öndürilen wodorod iberer.

Şeýle hem Germaniýa bilen Norwegiýa, täzeçil tehnologiýa arkaly kömürturşy gazyny ýerastynda saklamak pudagynda hyzmatdaşlyk etmegi meýilleşdirýär.

 

 

Related posts

«Komatsu» kysymly tehnikalar getirildi

Türkmenistan “Ýewropa Bileleşigi – Merkezi Aziýa” 3-nji ykdysady forumyna gatnaşdy

Türkmenistan bilen Türkiýe bilelikdäki maýa goýum gaznasyny döreder

Leave a Comment