Angliýanyň “Kroýdon” futbol toparynyň futbolçysy Raýan Holl eminiň jürlewügini çalmagy bilen meýdançanyň merkezinden pökgüni derwezä gönükdirip geçiren goly futbol taryhynyň iň çalt goly hökmünde hasaba alyndy. Bu barada “BBC” neşiri habar berýär.
Holl üçin bu goly geçirmek üçin 2.31 sekunt gerek boldy. “Kroýdon” topary futbolçynyň bu üstünligini hasaba almak üçin Ginnesiň rekordlar kitabyna ýüz tutdy.
Ýöne Ginnesiň rekordlar kitaby Raýan Holluň bu rekordyny hasaba almady.
– Ajaýyp gol geçirildi. Ýöne gynansak-da, biz professional futbolyň çäginden daşardaky üstünlikleri hasaba alyp bilmeýäris – diýip, Ginnesiň rekordlar kitaby tarapyndan beýanat berildi.
“Kroýdon” topary 1953-nji ýylda döredildi we Angliýanyň birinji diwizionynda Günorta okrugyň Günbatar ligasynda çykyş edýär we bu liga höwesjeňleriň ligasydyr.