Şu ýyl Ýewropa ýurtlarynyň öňdebaryjy futbol çempionatlarynda garaşylmakdyk toparlar çempion bolmagy başardy. Ispaniýada 7 ýyldna soňra “Atletiko Madrid”, Italiýada 11 ýyldan soňra “Inter” topary çempion boldy.
Ine, Fransiýada hem 2011-nji ýyldan soňra “Lill” topary çempion bolmagy başardy. Bu topar taryhyndaky 4-nji çempionlygyny eýeledi.
“Lill” topary Fransiýanyň öňdebaryjy topary düzüminde dünýäniň iň goey futbolçylary bolan Neýmarly, Mbappeli “PSŽ” toparyndan üstün çykmagy başardy. “PSŽ” topary çempionatda 2-nji orunda galdy. Üçünji orny “Monako” topary eýeledi.
“Lill” topary çempionatyň soňky tapgyrynda “Anžer” toparyny 2:1 hasabynda utdy. Krsitof Galtýeniň tälim berýän “Lill” topary 83 utuk toplap, Fransiýanyň futbol çempionatynda 4-nji çempionlygyny gazandy. Mundan ozal, bu topar 1945/46, 1953/54 we 2010/11 ýyllarynda çempion bolupdy.
Şeýle hem bu topar taryhynda 6 gezek çempionatda ikinji orny eýeläpdi.
TÜRK FUTBOLÇYLARYŇ ULY GOŞANDY
“Lill” toparynyň çempion bolmagynda türkiýe futbolçylaryň hem goşandy uludyr. Burak Ýylmaz, Ýusuf Ýazyjy hem-de Zeki Çelik ýaly futbolçylar bu toparda oýnaýar. Türkiýäniň milli ýygyndysynyň hem hüjümçisi bolan Burak Ýylmaz “Lill” toparynyň düzüminde geçiren gollary bilen Ýewropanyň hem-de Fransiýanyň metbugatynda uly orun aldy.
Burak Ýylmaz topary bilen 28 duşuşykda oýnap, 16 gezek tapawutlandy hem-de 5 gezek topar ýoldaşlarynyň tapawutlanmagyna goşant goşdy. Ýusuf Ýazyjy hem-de Zeki Çelik bolsa degişlilikde 7 we 3 gol geçirdiler.
24-nji Maýda Ãyldyzlar näme diýýär? :Gündelik Täleýnama