Eýran Türkmenistandan 30 milliard kubmetr tebigy gaz almagy meýilleşdirýär

Golaýda Türkmenistan bilen Eýran Yslam Respublikasynyň arasynda gaz pudagynda möhüm ylalaşyklara gol çekildi. Şoňa laýyklykda, Türkmenistandan Eýranyň üsti bilen Yrak Respublikasyna 10 milliard kubmetr tebigy gazyny swap görnüşinde ibermek boýunça ylalaşyk gazanyldy. Şeýle hem Eýranyň käbir welaýatlarynyň zerur bolan gaz zerurlyklary üçin türkmen gazyny satyn almak göz öňünde tutulýar. bu barada Eýranyň Tükrmenistanyň ilçisi Ali Mojtaba Ruzbehani “nCa” neşirine beren beýanatynda habar berdi.

Ilçiniň bellemegine görä, Eýran Yslam Respublikasy golaýda gol çekilen ylalaşyklara laýyklykda, Türkmenstandan ýylda 30 milliard kubmetr tebigy gaz satyn almagy göz öňünde tutýar, ol hem ýurduň Golestan we Demirgazyk horasan welaýatlarynyň gaz zerurlyklaryny üpjün eder.

Munuň üçin K,rpeje-Gurtguýy ugry boýunça täze gaz geçirijisi we gaz gysyjy beketler gurlar. Onuň geçirijilik kuwwatynyň 30 miliard kubmetr deň bolmagyna garaşylýar. Turba geçirijisiniň uzynlygy bolsa, 125 kilometre deň bolup, 3 sany gaz gysyjy desga gurlar.

Şol gaz geçiriji boýunça Eýrana türkmen gazy  Çaloýuk gaz ölçeýji bekedinden iberiler.

Bu görnüşde türkmen gazy Türkmenistanyň gündogar ýataklaryndan gelip gowşar. Türkmenistanyň Gündogar-Günbatar gaz geçirijisi bilen tebigy gaz K,rpeje-Gurtguýy gaz geçirijisi berler, şol ýerdenem Eýrana iberiler.