Türkmenistanyň Prezidentiniň ýanyndaky Arkadag şäheriniň gurluşygy boýunça komitetiniň başlygy Derýageldi Orazow Şäherleriň Bütindünýä Forumynyň 13-nji mejlisine (WUF13) gatnaşmak üçin Azerbaýjana bardy.
«Report» agentliginiň habar bermegine görä, ony Geýdar Aliyew adyndaky Halkara howa menzilinde resmi adamlar garşyladylar.
Ozal hem habar berşimiz ýaly, şu gün Azerbaýjanda Şäherleriň Bütindünýä Forumynyň 13-nji mejlisi (WUF13) başlaýar. «Report» agentliginiň habar bermegine görä, çäre Baky Olimpiýa stadionynda geçiriler.
Maý aýynyň 22-sine çenli dowam etjek bu forum Azerbaýjan hökümetiniň we BMG-niň Adam we ilatly nokatlar boýunça maksatnamasynyň (UN-Habitat) ýakyn hyzmatdaşlygynda guralýar.