2026/2027-nji okuw ýyly üçin bakalawr maksatnamasy boýunça bilim ulgamlarynyň aşakdaky ulaldylan toparlaryna talyplyga kabul edýär:
Ulaldylan toparlar:
1. Binagärlik (ulaldylan topar boýunça taýýarlygyň ugurlary: binagärlik; binagärlik gurşawynyň dizaýny).
2. Gurluşygyň tehnikasy we tehnologiýalary (ulaldylan topar boýunça taýýarlygyň ugurlary: senagat we raýat jaý gurluşygy; gurluşyk materiallaryny, önümlerini we konstruksiýalaryny öndürmek).
3. Informatika we hasaplaýyş tehnikasy (ulaldylan topar boýunça taýýarlygyň ugurlary: maglumat ulgamlary we tehnologiýalary; emeli aň we ekspert ulgamlary).
4. Maşyngurluşyk (ulaldylan topar boýunça taýýarlygyň ugurlary: önümçiligiň we tehnologiýa prosesleriniň awtomatlaşdyrylyşy; mehatronika we robot tehnikasy).
5. Oba, tokaý we balyk hojalygy (ulaldylan topar boýunça taýýarlygyň ugurlary: agronomçylyk; azyk önümleriniň tehnologiýasy).
6. Weterinariýa we zootehniýa (ulaldylan topar boýunça taýýarlygyň ugurlary: weterinar lukmançylygy; senagat balykçylygy).
7. Ykdysadyýet we dolandyryş (ulaldylan topar boýunça taýýarlygyň ugurlary: buhgalterçilik hasaba alnyşy we audit (telekeçilikde); işewürlik we telekeçilik; söwdada we logistikada sanly tehnologiýalar; halkara işewürlik; işewürligi dolandyrmak).
8. Hukuk işi (ulaldylan topar boýunça taýýarlygyň ugry: işewürlik hukugy). Uniwersitetde okuwlar türkmen we iňlis dillerinde geçilýär. Uniwersitetde okuwlar tölegli esasda alnyp barylýar.
Okuwyň dowamlylygy 5 ýyla (1 ýyl — türkmen we iňlis dilleri boýunça dil taýýarlygy, 4 ýyl — bakalawr maksatnamalary boýunça okuw) deňdir.
Talyplar dil taýýarlygyny geçenlerinden soňra, 1-nji okuw ýylynda bakalawr maksatnamasy boýunça bilim ulgamlarynyň ulaldylan toparlary boýunça bilim alarlar. Talyplar 2-nji okuw ýylyndan, isleglerine hem-de okuwa ýetişigine görä, bilim ulgamlarynyň ulaldylan toparlaryna girýän taýýarlygyň degişli ugurlary boýunça okuwlaryny dowam ederler.
Uniwersitete umumy orta bilimden pes bolmadyk binýatda bilimi bolan, ýaşy 35- den geçmedik Türkmenistanyň raýatlary giriş synagynyň netijesi boýunça bäsleşik esasynda kabul edilýär.
Resmi iş kagyzlary welaýat merkezlerinde we Aşgabat şäherinde 2026-njy ýylyň 13 — 26-njy iýuly aralygynda kabul edilýär. Resmi iş kagyzlarynyň sanawy: — bellenilen nusgada rektoryň adyna ýazylan arza; — bellenilen nusgadaky sowalnama (anketa); — bilimi baradaky resminama (asyl nusgasy); — Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy; — soňky okan ýerinden (işlän ýerinden, harby bölümden) häsiýetnama; — 3×4 sm ölçegdäki sekiz sany fotosurat; — işleýänler üçin zähmet depderçesiniň tassyklanan göçürmesi; — okuw dersleri boýunça mekdep okuwçylarynyň döwlet bäsleşiginiň ýeňijileri‚ halkara bäsleşiklere gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar. Bulardan başga-da, okuwa girmäge isleg bildirýänler ýokarda görkezilen resminamalar bilen birlikde, resminamalary kabul edýän iş toparyna aşakdakylary görkezýärler we nusgalaryny tabşyrýarlar: — pasportyny; — harby şahadatnamasyny ýa-da harby hasaba goýlandygy hakynda şahadatnamasyny. Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary görkezip biler. Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.
Giriş synagy we okuwa kabul edilmek 2026-njy ýylyň 29-njy iýuly — 5-nji awgusty aralygynda Halkara senagatçylar we telekeçiler uniwersitetinde (Aşgabat ş.) geçirilýär.
Uniwersitetde okuw dersleri boýunça giriş synagy test görnüşinde geçirilýär. Okuw dersleri boýunça test görnüşinde geçiriljek giriş synagy Türkmenistanyň orta mekdepleriniň okuw maksatnamalarynyň esasynda geçirilýär. Okuw dersleri boýunça test görnüşinde geçiriljek giriş synagynyň sowallary aşakdaky okuw dersleri boýunça düzülýär: Binagärlik; Gurluşygyň tehnikasy we tehnologiýalary ulaldylan toparlarynyň taýýarlygynyň ugurlary boýunça — türkmen dili we edebiýaty, iňlis dili, Türkmenistanyň taryhy, jemgyýeti öwreniş, informatika, fizika, matematika, akyl ýetirme (zehin) soraglary; Informatika we hasaplaýyş tehnikasy, Maşyngurluşyk ulaldylan toparlarynyň taýýarlygynyň ugurlary boýunça — türkmen dili we edebiýaty, iňlis dili, Türkmenistanyň taryhy, jemgyýeti öwreniş, informatika, matematika, fizika, akyl ýetirme (zehin) soraglary; Oba, tokaý we balyk hojalygy, Weterinariýa we zootehniýa ulaldylan toparlarynyň taýýarlygynyň ugurlary boýunça — türkmen dili we edebiýaty, iňlis dili, Türkmenistanyň taryhy, jemgyýeti öwreniş, informatika, himiýa, biologiýa, akyl ýetirme (zehin) soraglary; Ykdysadyýet we dolandyryş, Hukuk işi ulaldylan toparlarynyň taýýarlygynyň ugurlary boýunça — türkmen dili we edebiýaty, iňlis dili, Türkmenistanyň taryhy, jemgyýeti öwreniş, informatika, ykdysadyýetiň esaslary, matematika, akyl ýetirme (zehin) soraglary. Degişli dil boýunça geçirilýän derslerden başga ähli okuw dersleri boýunça test görnüşinde geçiriljek giriş synagy döwlet dilinde geçirilýär. Giriş synagyny üstünlikli tabşyran dalaşgärler okuw işini geçirmek üçin ýeterlik derejede iňlis dilini bilişini barlamak maksady bilen iňlis dilinden test tabşyrýarlar. Iňlis dilini erkin bilýän dalaşgärler 1-nji okuw ýylyna kabul edilýär. Iňlis dilini erkin bilmeýän dalaşgärler bir okuw ýylynyň dowamynda dil taýýarlygy okuwyny goşmaça geçýärler, okuwyň jemleri boýunça oňyn bahanyň alynmagy olara saýlap alan bilim ulgamlarynyň ulaldylan topary boýunça 1-nji okuw ýylynda okuwlaryny dowam etmäge mümkinçilik berýär. Test görnüşinde geçiriljek giriş synagynyň tertibinde bellenilen wagtda synaga esassyz sebäplere görä gelip bilmedikler synaga we uniwersitete kabul edilmegiň jemleýji tapgyryna goýberilmeýär.
Giriş synagyndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan «Bilim hakynda» Türkmenistanyň Kanunynyň rejelenen görnüşinde kesgitlenen düzgünlere laýyk gelýän dalaşgärler peýdalanýarlar.
Halkara senagatçylar we telekeçiler uiwersitetiniň salgysy: Aşgabat ş., Görogly köçesi, 185, tel.: 39-49-59.