Ozal hem bellenilip geçilişi ýaly, Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy Derýageldi Orazowyň ýolbaşçylygyndaky türkmen wekiliýeti Koreýa Respublikasynda gulluk iş saparynda bolýar. Türkmen wekiliýet bu ýurtda geçirilýän “World Smart City Expo” atly Bütindünýä sergisi gatnaşdy we birnäçe gepleşikler geçirdi.
Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy Derýageldi Orazowyň ýolbaşçylygyndaky türkmen wekiliýeti saparyň çäklerinde Seul şäherinde Koreýa Respublikasynyň dünýä belli “Daewoo E&C” kompaniýasynyň baş direktory Bek Jung-Wan bilen duşuşdy.
Duşuşyga Türkmenistanyň Döwlet daşary ykdysady iş bankynyň müdiriýetiniň başlygy Rahimberdi Jepbarow hem-de Türkmenistanyň Koreýa Respublikasyndaky ilçisi Begenç Durdyýew gatnaşdy.
Koreý kompaniýasynyň ýolbaşçysy Türkmenistanda dökün önümçiligi boýunça 2 iri taslama bilen gyzyklanýandygyny belledi. Şeýle hem ol ýolbaşçylyk edýän kompaniýasynyň täze şäherleri we köp gatly binalary gurmak tejribesiniň bardygyny belläp, “Daewoo E&C” kompaniýasynyň Türkmenistanda ýokary hilli taslamalary durmuşa geçirmek mümkinçilikleriniň bardygyny aýtdy.
Türkmen wekliýeti öz gezeginde “Daewoo E&C” kompaniýasynyň tekliplerine oňyn baha berip, hyzmatdaşlygyň geljekki ugurlaryny öwrenmäge taýýardyklaryny aýtdy.
Koreý kompaniýasynyň ýolbaşçysy Türkmenistanyň baş tebigy serişdeleri, infrastruktura we şäher ösüşi ulgamyndaky görnetin maýa goýumlary bilen strategik ähmiýete eýedigini belläp geçdi.
Bek Jung-Wan Türkmenistanyň bazarynda öňdebaryjy orny eýelemek üçin ähli tagallalary etmäge taýýardyklaryny aýtdy. Günorta Koreýanyň bu kompaniýasy gurluşyk we inženerçilik babatda öňdebaryjy bolup, global iri taslamalary durmuşa geçirmek bilen baý tejribe eýedir. Kompaniýanyň Türkmenistana gyzyklanmasy ýurduň täze şäherleriň ösüşine we ykdysadyýetiň diwersifikasiýalaşdyrmaga bolan tagallalary bilen utgaşýar.
Şu ýylyň iýun aýynda koreý kompaniýasynyň ýolbaşçysy Türkmenistanyň Prezidenti bilen duşuşypdy. 2023-nji ýylyň oktýabrynda bu kompaniýa Aşgabatda öz şahamçasyny açdy.