Bütindünýä Saglygy Goraýyş Guramasynyň Ýewropa sebitleýin býurosynyň Ýokanç keseller, daşary gurşaw we saglyk bölüminiň direktory Robb Batleriň ýolbaşçylygyndaky wekiliýet Türkmenistanda saparda bolar.
BSGG-niň wekiliýeti 12-13-nji martda Aşgabatda bolup, Türkmenistanyň Saglygy goraýyş we derman senagaty ministrliginde, Daşary işler ministrliginde, şeýle hem halkara hyzmatdaşlar bilen gepleşikler geçirer. Gepleşiklerde BSGG bilen Türkmenistanyň arasynda saglygy goraýyş ulgamyny pugtalandyrmak babatdaky hyzmatdaşlyk ugurlary ara alnyp maslahatlaşylar.
– Türkmenistan 1992-nji ýyldna bäri BSGG-niň Ýewropa sebitiniň bir bölegidir. 30 ýyldan gowrak wagtdan bäri ýurduň saglygy goraýyş hünärmenleri bilen BSGG-niň tehniki bilermenleri bilelikde iş alyp baryp, saglygy goraýyş ulgamyndaky hyzmatlary has-da giňetlmek ugrunda tagalla edýärler. Meniň saparym üstünliklerimizi berkitmegi we Türkmenistanyň halky üçin has gowy we sagdyn gelejek üçin täze başlangyçlary goldamagy maksat edinýär – diýip, Batler belläp geçdi.
Bu barada BSGG-niň guramasy habar berýär.