Jeýms Bonduň sapança ýygyndysy ogurlandy. Angliýanyň paýtagty Londonda ýerleşýän Jeýms Bond filmlerinde ulanylýan bahasy takmynan 100 müň funt bolan sapança ýygyndysynyň ogurlanandygy mälim edildi.
Şäheriň demirgazygyndaky Enfild sebitinde hususy köşge giren ogrylaryň seýrek duş gelýän sapançany alyp, gaçyp gidendigi belli boldy. Polisiýanyň bu babatda degişli işleri geçirýändigi aýdylýar. Ogurlanan sapança ýygyndysynyň arasynda 1985-nji ýylda we 2002-nji ýylda surata düşürilen filmlerde ulanylan sapançalaryň hem bardygy anyklandy.