Gyrgyz Respublikasynyň Prezidenti Sadyr Žaparow bilen Türkiýe Respublikasynyň Prezidenti Rejep Taýyp Ärdoganyň arasynda telefon arkaly söhbetdeşlik boldy. Bu barada gyrgyz metbugaty habar berýär.
Sadyr Žaparow özüniň türkiýeli kärdeşini prezident saýlawlaryna gazanan ýeňşi bilen gutlady we türk halkyna geljekde gülläp ösüş arzuw etdi.
Türkiýe Respublikasynyň Prezidenti Rejep Taýyp Ärdogan öz gezeginde mähirli gutlaglar üçin minnetdarlyk bildirip, Sadyr Žaparowy wezipesine girişmek dabarasyna çagyrdy.
Iki ýurduň Baştutanlary gyrgyz-türk ikitaraplaýyn hyzmatdaşlygynyň esasy ugurlary boýunça pikir alyşdylar.