«Hall Siti» we «Midlsbro» toparlarynyň arasynda Çempionşipiň 2025/2026-njy ýyllar möwsüminiň pleý-off tapgyrynyň final duşuşygy tamamlandy. Bu oýunda «Hall Siti» topary 1:0 hasabynda ýeňiş gazandy.
Duşuşyk Londonyň «Uembli» stadionynda geçirildi. Oýunda baş emin hökmünde Jarred Jillett (Awstraliýa) çykyş etdi. Duşuşykdaky ýeke-täk goly 90+5-nji minutda Oliwer Makbarni derwezä girizdi.
10 ýyldan soňra türk işewüri Ajun Ylyjalynyň ýolbaşylyk edýän topary Angliýanyň Premýer-ligasyna çykyş etmek hukugyna eýe boldy. Mundan ozal, bu topar soňky gezek 2016-2017-nji ýylda Angliýanyň iň ýokary ligasynda oýnapdy.
Türk işewüri bu topary 2022-nji ýylda satyn alypdy. 5 ýyldan bäri Angliýanyň 2-nji derejeli futbol ligasynda çykyş edne topar täzeden ýokary liga çykmagy başardy.
Mundan ozal, Angliýanyň Premýer-ligasyna (APL) «Kowentri Siti» we «Ipsiç Taun» toparlary çykypdylar.