Şu gün paýtagtymyz Aşgabadyň adybir “Aşgabat” stadionynda AFK-nyň Çempionlar ligasynyň “A” toparçasynyň çäklerinde ýurdumyzyň “Ahal” topary bilen Saud Arabystanynyň “Al-Feýha” futbol toparlary duşuşdy.
Türkmenistanyň çempionatynyň geçen möwsüminde 1-nji ýeri eýelän “Ahal” topary AFK-nyň Çempionlar ligasyna hem şowly başlady. Türkmen futbolçylary öz meýdançasynda Saud Arabystanynyň “Al-Feýha” toparyny kabul edip, 1:0 hasabynda ýeňmegi başardy.
“Ahal” toparynyň ýeke=täk goluny toparyň tejribeli futbolçysy Elman Tagaýew geçirdi. Onuň duşuşygyň 51-nji minutynda geçiren owadan goly, belki AFK-nyň Çempionlar ligasynyň iň owadan gollarynyň biri bolar.
Şeýlelikde, AFK-nyň Çempionlar ligasynyň “A” toparçasynyň ilkinji duşuşyklary geçirildi. Bu toparçanyň beýleki duşuşygynda Özbegistanyň “Pahtakor” topary BAE-niň “Al-Ain” toparyny kabul etdi. Bu duşuşykda BAE-niň topary 3:0 hasabynda ýeňmegi başardy.