BIZNES

ABŞ-nyň işewürleri Türkmenistana gelerler

“Türkmenistan-ABŞ” işewürler geňeşi 5-7-nji dekabrda Aşgabada özüniň her ýylky işewürlik saparyny amala aşyrmagy meýilleşdirýär. Bu barada “orient.tm” internet portaly habar berýär.

ABŞ-nyň işewürler düzümi türkmen paýtagtynda birnäçe duşuşyklar geçirerler we özara gyzyklanma bildirýän ugurlardaky hyzmatdaşlyk gatnaşyklaryny ara alyp maslahatlaşarlar.

Türkmenistan-ABŞ işewürler forumy “Ýyldyz” myhmanhanasynda geçirilip, oňa iki ýurduň hususy pudagynyň wekilleri gatnaşarlar. Şeýle hem ikitaraplaýyn hyzmatdaşlygyň gün tertibine degişli meseleler giň gerimde maslahatlaşylar. Amerikanyň işewürler toparyna “Türkmenistan-ABŞ” işewürler geňeşiniň ýerine ýetiriji direktory Erik Stýuart ýolbaşçylyk eder. Işewürler düzüminde “Climate Compass”, “Case New Holland”, “Honeywell”, “John Deere”, “Palo Alto Networks”, “Visa” we “Westport Trading Europe Ltd” ýaly kompaniýalaryň wekilleri bar.

Mälim bolşy ýaly, şu ýylyň aprel aýynda Erik Stýuart ýolbaşçylygynda amerikaly işewürler Aşgabada gelipdi. “Türkmenistan-ABŞ” işewürler geňeşi 2008-nji ýylda döredildi. Bu gurama iki ýurduň arasyndaky söwda -ykdysady gatnaşyklary ösdürmek ugrunda iş alyp barýar.

Related posts

“Petronas” kompaniýasy Türkmenistana 12 milliard dollardan gowrak maýa goýdy

ABŞ-ly dizaýner hytaý firmasyny ogurlykda günäkärledi

Seçime hazırlık: Adayların kaydı tamamlandı

vepa