Türkmenistan maý aýynda Bakuda geçiriljek Bütindünýä şäher forumynyň 13-nji mejlisine (World Urban Forum – WUF13) ýokary derejede gatnaşmagy meýilleşdirýär.
Bu barada Türkmenistanyň Azerbaýjan Respublikasyndaky ilçisi Gurbanmämmet Elýasow «Report» agentligine beren interwýusynda mälim etdi.
Ilçi WUF13 forumynyň durnukly şäher ösüşiniň ähliumumy gün tertibini ilerletmekde we häzirki zaman şäher ulgamynda halkara hyzmatdaşlygy berkitmekde möhüm tapgyr boljakdygyny belledi.
«Türkmenistanda ýaşaýyş jaýlaryny gurmak we döwrebaplaşdyrmak, şeýle hem ilat üçin oňaýly ýaşaýyş şertlerini döretmek meselelerine ileri tutulýan ähmiýet berilýär. Amatly, döwrebap we howpsuz şäher gurşawyny kemala getirmek döwlet şäher gurluşyk syýasatynyň esasy ugrudyr. Ýurduň paýtagty Aşgabat şäheri, şeýle hem şäher düzümini meýilleşdirmekde toplumlaýyn çemeleşmäni we okgunly ösüşi görkezýän Arkadag şäheri bu ugruň aýdyň subutnamasydyr» diýip, ilçi belledi.
Bellik: WUF13 forumy 2026-njy ýylyň 17-22-nji maýy aralygynda Bakuda geçiriler.