Döwletmämmet Azady adyndaky Türkmen milli dünýä dilleri institutynda Eýran Yslam Respublikasynyň Türkmenistandaky Adatdan daşary we Doly ygtyýarly Ilçisi Ali Mojtaba Ruzbehani we Medeniýet meseleleri boýunça geňeşçisi ýokary okuw mekdebiniň rektory bilen duşuşyp, onuň çäginde pars dili hünärinde okaýan talyplar bilen duşuşdylar.
Şeýle-de, Medeniýet merkezi tarapyndan birnäçe kitap, ýagny Saadynyň türkmen diline terjime edilen goşgylary, Mollanepesiň, Andalybyň pars diline terjime edilen goşgulary, başga-da birnäçe şahyrlaryň şygyrlary, pars dilini okatmagyň usulyýetine degişli kitaplar sowgat edildi.
Duşuşygyň dowamynda Türkmenistan bilen Eýran Yslam Respublikasynyň arasyndaky medeniýet hem-de ylym – bilim babatynda hyzmatdaşlygy has-da giňeltmek babatynda pikir alşyldy.
Şeýle-de ýokary okuw mekdebiniň pars dili hünärinde okaýan talyplaryň we mugallymlaryň dil bilimi derejelerini has-da ýokarlandyrmak babatynda hünär kämilleşdiriş sapaklarynyň geçirilmegi ara alynyp maslahatlaşyldy.