Bir ýylyň dowamynda 240 milliondan gowrak adam global tora birikdi we häzirki wagtda planetanyň ilatynyň alty milliard töweregi, ýagny dünýäniň ähli ilatynyň dörtden üç bölegi aragatnaşygyň bu ulgamyndan peýdalanýar.
Bu barada internet ulanyjylarynyň sanynyň haýran galdyryjy derejede artýandygyny belläp, şol bir wagtyň özünde sanly aýratynlyklaryň çuňlaşýandygyny görkezýän Halkara Elektrik Aragatnaşyk Birleşiginiň (HEAB) hasabatynda aýdylýar diýip, BMG-niň metbugat gullugy habar berýär.
Şeýle-de bolsa, guramanyň maglumatlaryna görä, 2,2 milliard adam sanly giňişlikden daşda galýar, bu bolsa ählumumy we deňhukukly sanly elýeterliligi üpjün etmekdäki meseläniň gerimini nygtaýar diýip, beýanatda habar berilýär.