BMG-niň Baş Assambleýasy Palestina meselesini parahatçylykly çözmek we iki döwletiň – Ysraýylyň we Palestinanyň döredilmegi baradaky karary durmuşa geçirmek hakyndaky jarnamany makullady diýip, BM-niň Täzelikler gullugy habar berýär.
“Nýu-Ýork jarnamasy” bu aýyň dowamynda işini täzeden dowam etdirjek, Fransiýanyň we Saud Arabystanynyň başlangyjy bilen iýul aýynda BM-niň merkezi edarasynda geçirilen halkara maslahatyň netijesi boldy.
BM-niň agza-döwletleriniň 193-sinden 142-si resminamany goldamak üçin karar kabul etdi.
Ysraýyl, ABŞ, şeýle hem Argentina, Wengriýa, Mikroneziýa, Nauru, Palau, Papua-Täze Gwineýa, Paragwaý we Tonga bu ylalaşygy goldamady. 12 döwlet bolsa ses bermekden saklandy.