UEFA Çempionlar ligasynyň pleý-off tapgyrynyň duşuşyklary tamamlandy. Munuň netijesinde, Angliýanyň güýçli toparlaryndan “Mançester Siti” topary 2012-13-nji ýylyň möwsüminden soňra ilkinji gezke, ýagny 13 ýyldan soň 1/8 finala çykyp bilmedi.
Pleý-off tapgyrynyň esasy duşuşyklarynyň biri “Real Madrid” bilen “Mançester Siti” duşuşygy boldy. Angliýada garşydşany 3:2 hasabynda ýeňen “Real Madrid” öz meýdançasynda iňlis toparyny fransuz ýyldyzy Kilian Mbappeniň geçiren 3 goly bilen 3:1 hasabynda utdy.
Şeýlelikde, pleý-off tapgyrynda “Benfika”, “Bawariýa”, “Brýugge”, “Feýnoord”, “Borussiýa Dortmund”, “PSŽ”, “Real Madrid” we “PSW” toparlary 1/8 finala çykdy.
Pleý-off tapgyrynda “Milan”, “Mançester Siti” we “Ýuwentus” ýaly toparlar ýaryşdan galdy.
Çempionlar ligasynyň umumy tapgyrynda oňat netije görkezip, 1/8 finala çykan 8 topar – “Liwerpul”, “Barselona”, “Arsenal”, “Inter”, “Atletika Madrid”, “Baýer Lerwerkusen”, “Lill” we “Aston Willa” toparlary pleý-off tapgyrynda nobatdaky tapgyra çykan toparlar bilen bije çekişlik esasynda bäsleşer.
Çempionlar ligasynda 1/8 finalynyň, çärýek we ýarym final duşuşyklarynyň bijeleri 21.02.2025-nji senesinde Şweýsariýanyň Nýon şäherinde çekiler.