Mälim bolşy ýaly, şu günler Fransiýanyň paýtagty Pariž şäherinde tomusky Olimpiýa oýunlary geçirilýär. Oňa dünýäniň 206 döwletinden türgenler we bosgunlar topary gatnaşýar.
“Pariž-2024” ady bilen atlandyrylýan Olimpiýa oýunlarynda Gazagystanyň türgeni Ýeldos Smetow dzýudoda erkekleriň arasynda 60 kilogram agramda çykyş edip, altyn medalyň eýesi boldy. Bu altyn medal Gazagystan Respublikasynyň taryhyndaky dzýudo sporty boýunça gazanylan ilkinji altyn medal boldy.
“Champ de Mars” sport toplumynda geçirilen tutluşyklarda gazak türgeni finalda fransiýaly garşydaşy Luka Mkheidzeni ýeňmegi başardy we öz ýurduna ilkinji altyn medaly gazandyrdy.
Bu kategoriýada ispan türgen Fanrsisko Garrigos we ýapon türgen Rýuju Nagaýama bürünç medal gazandy.