Eýran Yslam Respublikasynyň senagat ministri Abbas Aliabadi 2025-nji ýylyň 20-nji martynda tamamlanýan ýylda 1.7 million awtoulag öndürjekdigini belledi.
Aliabadiniň bellemegine görä, Eýranyň awtoulag öndürijileri 2024-nji ýylyň martyna çenli 1.335 million awtoulag öndürdi. Eýranyň ministri ýurduň çägindäki içerki önümçiligindäki durnukly ösüşiň netijesinde, soňky 2 ýyldan bäri ýyllyk awtoulag önümçiliginde dünýä reýtinginde 18-nji orunda durýandygyny belledi.
Eger önümçilik maksatlaryna ýetilen halatynda, Eýran dünýäde iri awtoulag önümçiliginde 15-nji orny eýelär. Eýranyň awtoulag önümçiliginde iş orunlarynyň sany 0.9 milliona ýetdi.