Germaniýada geçirilýän futbol boýunça Ýewropa çempionatynda “B” toparçasyndaky duşuşyklar hem tamamlandy. bu toparçada Ispaniýa ozaldan 1/8 finala çykmagy başarypdy. Ikinji bolup çykmak üçin Italiýanyň, Horwatiýanyň we Albaniýanyň hem mümkinçiligi bardy.
Ispaniýa bilen Albaniýa, Italiýa bilen Horwatiýa duşuşdy. Ispaniýa Albaniýany 1:0 hasabynda ýeňip, toparçadaky ähli duşuşyklarynda ýeňiş gazanyp, 9 utuk jemledi.
Italiýa bilen Horwatiýanyň duşuşygy has gyzykly boldy. Duşuşygyň esasy gahrymany Horwatiýadan Luka Modriç boldy. Ol ilki bilen 11 metrlik jerime urgudan tapawutlanyp bilmedi. Soňra 55-nji minutda Modriç tapawutlandy.
Bu hasap Horwatiýany indiki tapgyra çykarýardy. Ýöne 90+8-nji minutda Italiýanyň düzüminde Zakkani tapawutlanyp, Italiýany 1/8 finala çykardy.
Horwatiýadan Luka Modriç 38 ýaşynda tapawutlanyp, Ýewropa çempionatlarynda gol geçiren iň ýaş uly futbolçy boldy.