Dagystan Respublikasynyň baştutany Sergeý Melikow geçen möwsümiň netijelerine esaslanyp, taryhynda ilkinji gezek Russiýanyň Premýer-Ligasyna (RPL) çykan Mahaçkalanyň «Dinamo» toparynyň wekillerine döwlet sylaglaryny gowşurdy. Bu barada toparyň metbugat gullugy habar berýär.
«Klubuň prezidentiniň geňeşçisi Gurban Berdiýewe «Dagystan Respublikasynyň at gazanan tälimçisi» diýen hormatly at berildi» — diýlip, Respublikanyň ýolbaşçysynyň metbugat gullugynyň habarynda aýdylýar.
Gurban Berdiýew häzir 71 ýaşynda. Türkmenistandan bolan tälimçi 2023-nji ýylyň iýulynda Mahaçkalanyň «Dinamosynyň» baş tälimçisi boldy. Şu ýylyň fewralynda tälimçilik wezipesini meýletin tabşyran tejribeli hünärmen aprelde klubuň prezidentiniň geňeşçisi wezipesinde işe başlady.