Aziýanyň Futbol Konferederasiýasynyň Çempionlar ligasynyň çempiony belli boldy. Ol hem Birleşen Arap Emirlikleriniň “Al-Ain” topary boldy. Bu topar final duşuşygynda Ýaponiýanyň “Ýokohamo Marinos” toparyny 5:1 hasabynda utup, Aziýa yklymynyň iň uly kubogyny gazandy.
AFK-nyň Çempionlar ligasynyň final duşuşygy 2 oýundan ybaratdyr. Ýaponiýada geçirilen ilkinji duşuşykda ýapon topary 2:1 hasabynda utupdy.
Jogap duşuşugy BAE-däki “Hazza Bin Zaýed” stadionynda geçirildi we öz meýdançasynda “Al Ain” topary 5:1 hasabynda ynamly ýeňiş gazandy.
Şeýlelikde, argentinaly meşhur futbolçy Hernan Kresponyň tälimçilik edýän “Al-Ain” topary ikinji gezek Aziýanyň Çempionlar ligasynyň kubogyny gazandy. Mundan ozal, bu topar 2003-nji ýylda bu kubogy gazanypdy.
BAE-niň “Al-Ain” topary türkmen futbol janköýerlerine hem tanyşdyr. Sebäbi “Al-Ain” topary Çempionlar ligasynyň toparçalarynda “Ahal” topary bilen duşuşypdy we bu topar Aşgabada hem gelipdi.
