Türkmenistanyň ilçisi Atajan Möwlamow Pakistanyň Söwda ministrliginde federal söwda ministri Jam Kamal Han bilen duşuşdy.
Türkmenistanyň ilçisi Federal söwda ministrini ýakynda täze wezipä bellenmegi mysybetli gutlady we iki doganlyk ýurduň arasyndaky söwda gatnaşyklaryny berkitmekde uly üstünlikler arzuw etdi.
Duşuşygyň dowamynda, türkmen-pakistan gatnaşyklarynyň dürli ugurlary ara alnyp maslahatlaşyldy we özara hormat we deňlik ýörelgelerine esaslanýan hyzmatdaşlyga ähmiýet berildi. Iki tarap hem täze ugurlary we üstaşyr söwda ylalaşyklaryny öwrenmäge ünsi jemläp, söwdany artdyrmak isleýändiklerini bellediler.
Pakistanyň ministri Türkmenistan bilen üstaşyr söwda ylalaşygynyň tamamlaýjy tapgyrdadygyny belläp, oňa gol çekmegiň çaltlandyrmagyň möhümdigini belledi. Ministriň bellemegine görä, resminama ýa Yslamabadda ýa-da Aşgabatda gol çekilip bilner.
Ilçi A.Möwlamow Türkmenistanda Pakistanyň içerki bazaryny energiýa serişdeleri bilen üpjün etmek üçin giň mümkinçiliginiň bardygyny belläp, ykdysadyýetiň dürli pudaklarynda hyzmatdaşlygyň mümkinçiliklerine ünsi çekdi.
Şol bir sanda, taraplar Türkmenistan bilen Pakistanyň arasyndaky söwdany ösdürmäge gönükdirilen üstaşyr söwda ylalaşygynyň taslamasy boýunça işleriň tamamlamagyny çaltlaşdyrmak üçin wekilýetleriň işini işjeňleşdirmek möhümdigi barada ylalaşdylar.
Ministr J.Kamal Han iki dogan ýurduň arasynda söwda mümkinçiliginiň uludygyna umyt bildirdi.