Türkiýe Respublikasynyň Prezidenti Rejep Taýyp Ärdogandan türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň adyna hat gelip gowuşdy. Bu barada “Watan” habarlar gepleşiginde habar berildi.
Bu hatda hususan-da şeýle diýilýär:
Gadyrly doganym! Türkiýe Respublikasynyň döredilmeginiň 100 ýyllyk ýubileýi mynasybetli iberen gutlagyňyz üçin Size tüýs ýürekden hoşallygymy bildirýärin.
Ýurtlarymyzyň arasyndaky hoşniýetli, dost-doganlyk gatnaşyklary mundan beýläk-de çuňlaşdyrmagy we ösdürmegi maksat edinýändigimizi beýän etmek bilen, Türkiýäniň halkynyň adyndan hem-de öz adymdan Size Alyhezretiňize berk jan saglyk we bagtyýarlyk arzuw edýärin.