Deňiz söwda flotynyň gämileri tarapyndan 2023-nji ýylyň ýanwar-noýabr aýlarynda ýük daşamagyň umumy mukdary 2022-nji ýylyň degişli döwürleri bilen deňeşdirilende 21,6% ýokarlandy we 2 million 064 tonna ýetdi. Umaman aýdylanda 2023-nji ýylyň ýylyň ýanwar-noýabr aýlarynda ýük daşamak boýunça Milli flotyň meýilnamasy 129,4% ýerine ýetirildi. Bu barada Deňiz söwda flotynyň resmi saýtynda habar berilýär.
2023-nji ýylyň ýanwar-noýabr aýlary boýunça ýük dolanyşygy 867,149 mln.tn.km. boldy, bu 2022-nji ýylyň degişli döwürleri bilen deňeşdirilende 19,1% ýokary we ýanwar-noýabr aýlaryndaky ýük dolanyşyk meýilnamasy 228,9% ýerine ýetirildi.
2023-nji ýylyň ýanwar-noýabr aýlary boýunça ýolagçy dolanyşygy 2022-nji ýylyň degişli döwürleri bilen deňeşdirilende 56,4% ýokarlandy we 8,540 mln.ýolag.km boldy. Meýilnamanyň ýerine ýetirilişi 240,9% boldy.
Daşalan konteýnerleriň sany 3846 TEU, ösüş depgini 277,3%.
Ösüş depginleriniň ýokarlanmagy, ilkinji nobatda, çig nebit we nebit önümleriniň eksport edilmeginiň, şeýle hem Türkmenbaşy halkara deňiz portundan geçýän umumy we üstaşyr ýükleriň köpelmegi bilen baglanyşyklydyr.